Архимед Мұхамбетов 21 көпбалалы анаға құрмет көрсетті
Облыс әкімі өзінің құттықтау сөзінде әйелдердің аумақ өміріндегі рөлін атап өтті.
«Әйелдер мерекесі қарсаңында өздеріңізді құттықтағымыз келеді. Қазақстанда әйелдер мен олардың бастамаларын қолдау бойынша барлық жағдайлар жасалған. Облыстың саяси, әлеуметтік-экономикалық, мәдени өміріне белсенді араласатын қыз-келіншектердің жетістіктерін мақтанышпен айтамыз. Бүгінде облыс аймағында 6,3 мыңнан астам анаға жоғары марапат көрсетілді», - деді Архимед Мұхамбетов.
Жалпы Қостанай облысында 1588 ана «Алтын алқа» иегері болса, 3469 ана «Күміс алқа» тағынған. Сонымен қатар 1277 адамға 1 және 2 дәрежелі «Батыр Ана» атағы берілген.
Облыс басшысы кездесу барысында 21 анаға «Алтын алқа» және «Күміс алқа» марапаты ұсынып, бағалы сыйлықтар тапсырды. ҚР Қасым-Жомарт Тоқаевтың Жарлығына сәйкес, Қостанай облысындағы 47 көп балалы анаға құрмет көрсетіліп, арнайы награда табысталды.
«Кез келген мемлекеттің болашағы – оның саналы ұрпағы. Бүгiнгі бала – болашақ Қазақстанның жанды бейнесі. Өмір алма-кезек қой, бүгін көпбалалы отбасылардан шыққан балаларды мемлекет қолдаса, ертең-ақ сол балалар өзінің туған еліне, Отанына адал қызмет етіп, талмай тер төгеді. Мен бұған сенемін», - деді «Күміс алқа» иегері Айнагүл Қапсабырова.
