+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Антониу Гутерриш екінші мерзімге БҰҰ Бас хатшысы болып тағайындалды

2021 жылғы 18 маусым 20:21
Бөлісіңіз:
Антониу Гутерриш екінші мерзімге БҰҰ Бас хатшысы болып тағайындалды

МӘСКЕУ. ТАСС-ҚазАқпарат – БҰҰ Бас Ассамблеясы жұма күнгі отырыста Антониу Гутерришті дүниежүзілік ұйымның Бас хатшысы етіп екінші мерзімге тағайындады. Тиісті шешім туралы отырыста БҰҰ Бас Ассамблеясының 75-ші сессиясының төрағасы Волкан Бозкыр мәлімдеді, деп хабарлайды ҚазАқпарат ТАСС агенттігіне сілтеме жасап.

«Мен 2022 жылдың 1 қаңтарынан бастап 2026 жылдың 31 желтоқсанына дейін Антониу Гутерриштің БҰҰ Бас хатшысы болып екінші мерзімге тағайындалғанын жариялау құрметіне ие болдым», - деді ол. Гутерришті тағайындау туралы қарар жалпыға бірдей мақұлдауымен дауыс берусіз қабылданды.

Тағайындау туралы хабарланғаннан кейін, Бозкыр сыртта шешім күтіп тұрған Гутерришті залға шақырып, ант бергізді.

Гутерриш БҰҰ Бас хатшысы қызметіне жалғыз үміткер болды. Бұған дейін оны дүниежүзілік ұйымның Қауіпсіздік Кеңесі қолдаған. БҰҰ Бас Ассамблеясы Қауіпсіздік Кеңесінің ұсыныстарымен бір рет қана 1950 жылы келіспеген болатын.

Айта кетейік, БҰҰ Бас хатшысы бес жылдық мерзімге сайланады.


Біздің каналымызға жазылыңыз:

Бөлісіңіз:

Автор:

Аяулым Алтынбек

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT