00:10, 12 Желтоқсан 2019 | GMT +6
Әнші және полицей: Қос Димаш Нью-Йоркте кездесті
НҰР-СҰЛТАН. ҚазАқпарат - Димаш Құдайберген және ньюйорктік тәртіп сақшысы Димаш Ниязов Нью-Йоркте жолықты, деп хабарлайды ҚазАқпарат.
«Димаш Құдайбергенді АҚШ-тағы алғашқы жеке концертімен құттықтаймын! Димаш күш!» , - деп жазды отандасымыз Димаш Ниязов өзінің Instagram парақшасында.
Айта кетсек, бұған дейін хабарлағанымыздай Димаш Құдайбергеннің Нью-Йорктегі концерті аншлагпен өтті. Онда Димаш «Дайдидау» әнін орындаған сәтте көрермен орындарынан тұрып, бірге шырқады. Көздеріне жас алғандардың да қатары мол болды.