+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Алтын, вольфрам, молибден, алюминий Қазақстанның қай өңірлерінде болуы мүмкін

2020 жылғы 18 ақпан 09:31
Бөлісіңіз:
Алтын, вольфрам, молибден, алюминий Қазақстанның қай өңірлерінде болуы мүмкін

НҰР-СҰЛТАН. ҚазАқпарат - Қорғасын мен мырыштың жаңа кен орындары Қазақстанның орталық, оңтүстік және де Кенді Алтай өңірлерінде ашылуы мүмкін. Бұл туралы бүгін Үкімет отырысында Геологиялық барлаудың 2021-2025 жылдарға арналған мемлекеттік бағдарламасының тұжырымдамасын таныстырған ҚР Экология, геология және табиғи ресурстар министрі Мағзұм Мырзағалиев айтты, деп хабарлайды ҚазАқпарат тілшісі.

«Геологиялық саланың алдында тұрған өзекті проблемалардың бірі – қорлардың толықтыру деңгейінің төмендігі. Геологтар «бір тонна өңдірсең – барлау жасап, орнын екі тоннамен толтыр» деген қағиданы ұстанады. Бірақ та, бүгінгі күні қорлардың өсім деңгей коэффициенті қатты пайдалы қазбалар бойынша – 0,13, ал көмірсутек шикізаты бойынша – 0,9. Сондықтан да, жаңа кен орындарын ашу және оны іске қосу үшін, кем дегенде 10-15 жыл уақыт кететіндігін ескере отырып, геологиялық барлау жұмыстарын қазірден бастап жандандыру қажет», - деді ол.

Министрдің мәліметтерінше, Қостанай облысының, Орталық пен Шығыс Қазақстан арасындағы аумақтардың және Қырғызстанға іргелес еліміздің оңтүстігінің алтын кен орындарына әлеуеті зор.

«Қорғасын мен мырыштың жаңа кен орындары Қазақстанның орталық, оңтүстік және де Кенді Алтай өңірлерінде ашылуы мүмкін. Сонымен қатар, бұл аудандарда вольфрам, молибден, алюминий, қалайы және сирек кездесетін элементтердің кен орындарын ашуға мүмкіндік бар», - деді Мағзұм Мырзағалиев.

Сонымен қатар, бүгінгі күні елімізде геологиялық барлауды жүргізуге ірі шетелдік инвесторларды тартуда оң тәжірибе қалыптасқанын атап өтті.

«Соңғы үш жылда олардың қатысуымен 75 мың шаршы шақырым болатын аумақта геологиялық зерттеу жұмыстары жүргізілді. Қазгеология Ұлттық компаниясы Қазақмыспен бірігіп, ірі Дүйсембай қорғасын-мырыш, Ulmus қорымен бірге Бесшоқы кен орындарын ашты. Рио Тинтомен бірлесе отырып, Балқаш қаласы маңында Прибрежное мыс кен орнын ашып, қазіргі уақытта барлау-бағалау жұмыстарын жалғастыруда. Осы жұмыстарға 17 млрд. теңге көлемінде инвестиция тартылды», - деді министр.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT