+7 (701) 759 90 19
USD 380.84 EUR 419.50
RUB 6.05 CNY 54.90
Jańalyqtar

«Алтын тұғыр»: Ұлттық спорттың үздіктері белгілі болды

2019 жылғы 6 желтоқсан 17:32
Бөлісіңіз:
«Алтын тұғыр»: Ұлттық спорттың үздіктері белгілі болды

НҰР-СҰЛТАН. ҚазАқпарат - Жетінші мәрте ұйымдастырылған биылғы «Алтын тұғыр» сыйлығының иегерлері анықталды, деп хабарлайды ҚазАқпарат тілшісі.

Ұқсас жаңалықтар
Түркістан облысының Отырар ауданында ұлттық ойындардан жарыс өтті Қазақстанда тұңғыш рет құсбегілердің «Бессайыс» бәсекесі өтті Ұлттық спорт түрлерінен Қазақстанның V фестивалі жалауын көтерді

2019 жылғы ұлттық спорттың республикалық, халықаралық бәсекесінде дара шыққан жеңімпаздар осылайша көптің құрметіне ие болып отыр. Аударыспақ, теңге ілу, жамбы атудан, көкпардан Алматыда өткен Жастар арасындағы І Азия чемпионатында, «Алтын жебе» І Әлем чемпионатында жеңімпаз атанған, бәйге мен құсбегілік бәсекелерінде топ жарған және тоғызқұмалақтан, асық атудан, қазақ күресінен халықаралық жарыстарда жүлделі орын иеленген көптеген спортшылар «Алтын тұғыр» сыйлығына лайық деп танылды.

Атап айтқанда, ұлттық спорт түрлерінің үздіктер номинациясы бойынша «Үздік мергендер» ретінде Айкөз Ералхан мен Бабажан Бақдәулет үздік шықса, «Қоянқасқа», «Үшқоңыр», «Қызжирен» - үздік бәйге аттары атанды. «Үздік аударыспақ балуандары» атағына Аманжол Нұрбек, Құралбай Ермек, Иманғазыұлы Нармағанбет, Ағабек Ғабит ие болды. «Үздік қазақ күресінің балуаны» номинациясын Нариман Тұтқышев, «Үздік тоғызқұмалақ ойыншысы» номинациясын Ғалымжан Темірбаев иеленді. «Үздік асық ату командасы» болып Нұр-Сұлтан қаласының командасы белгіленді. «Үздік бүркітші» - Серікболсын Жалғасұлы. «Үздік теңге ілу спортшысы» - Ғалымжан Ізжанов, «Үздік көкпар командасы» - көкпардан ҚР Жастар құрама командасы, «Үздік көкпаршы» - Құрманбек Тұрғанбек, «Ұлттық ат спортының үздік төрешісі» - Ерлан Жүсіпов, «Үздік жаттықтырушы» - Арслан Қабжанов, «Үздік ұлттық спорт клубы» - «Әулие ата» ұлттық спорт клубы, «Жаппай көкпар үздіктері» - Ғалымжан Мырзабаев, Жомарт Зиябек атанды. Сондай-ақ, Алматы облысының әкімі Амандық Баталов пен Ұлттық олимпиада комитетінің бас хатшысы Сәкен Мұсайбековке «Елімжан» медалі табыс етіліп, ұзақ жылдар осы салаға еңбек сіңірген көптеген ардагерлерге құрмет көрсетілді.

Айта кетсек, «Алтын тұғыр» - жастарымызды ерлікке, батылдыққа, ептілікке, өжеттікке, жүректілікке тәрбиелейтін, рухын шыңдайтын ұлттық спорттың дәстүрлі жиыны. «Алтын тұғыр» ұлттық спорт бәсекелерінде ел намысын асқақтатып жүрген азаматтарымыздың есімін ардақтайды.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT