14:10, 09 Қыркүйек 2021 | GMT +6
«Алтын Орда» базары ауданындағы автожол учаскесін реконструкциялау қазанда аяқталады
НҰР-СҰЛТАН. ҚазАқпарат – Алматы қаласындағы «Алтын Орда» базары ауданындағы автожол учаскесін реконструкциялау қазанда аяқталады. Бұл туралы ҚР Индустрия және инфрақұрылымдық даму вице-министрі Берік Камалиев айтты, деп хабарлайды ҚазАқпарат тілшісі.
«Алматы қаласындағы «Алтын Орда» базары ауданындағы автожол учаскесі алып мегаполистің барлық тұрғындарын толғандырады. Республика Премьер-Министрінің тапсырмасына сәйкес, қазан айында осы көлік жол айырығындағы жұмыстар толығымен аяқталады», - деді Берік Камалиев Орталық коммуникациялар қызметіндегі баспасөз мәслихаты барысында.
Министрлік мәліметінше, бүгінгі таңда аталған учаскеде барлық негізгі жұмыс аяқталған. Транзиттік көліктің өтуі үшін эстакаданың құрылысы жедел қарқынмен жүргізіліп жатыр.