+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Алмаз Шарман коронавирус инфекциясы қандай жолдармен жұғатынын түсіндірді

2020 жылғы 27 ақпан 14:54
Бөлісіңіз:
Алмаз Шарман коронавирус инфекциясы қандай жолдармен жұғатынын түсіндірді

НҰР-СҰЛТАН. ҚазАқпарат – Танымал медициналық профессор Алмаз Шарман коронавирус инфекциясын жұқтырып алмауға қатысты ақыл-кеңесімен бөлісті, деп хабарлайды ҚазАқпарат тілшісі.

Ұқсас жаңалықтар
Коронавирус: Атырау тұрғындарына 1300-ге жуық тест жасалды Түркістан облысында бір тәулікте тағы 5 адам індет жұқтырған Шетелдік профессор қазақстандық дәрігерлердің сұрағына жауап берді

«Коронавирус инфекциясының таралуы пандемияға тән сипатқа ие болып бара жатқан секілді. Қазірдің өзінде тиісті қорғаныс шараларын қабылдау керек. Ең алдымен айғай-сүрең мен жалған ақпарларға сенбеуге шақырар едім. Шынайы ақпаратқа сүйеніп, инфекцияның қандай жолмен тарайтынын анықтап алған абзал. Коронавирус жұқтырған адаммен жақын қарым-қатынаста болған жағдайда жөтел немесе түшкіру кезінде, яғни ауа арқылы құрамында вирусы бар сілекей арқылы жұғады. Бұл тамшылар кісінің жанында тұрған адамға жетіп, қасындағы адам оны жұтып қоюы мүмкін», - деп жазады Алмаз Шарман Facebook парақшасында.

Оның айтуынша, вирусы бар адамнан 2 метр ғана қашықтықта тұрған кісі 10 минуттың ішінде өзі де коронавирус инфекциясын жұқтыруы мүмкін.

«Сонымен бірге, вирусты тамшылар әртүрлі заттардың бетіне де, мәселен автобустың орындығына, кітап пен клавиатураға, тінтуірге шашырауы ықтимал. Сол үшін әрдайым қолыңызды таза сумен жуып отырған жөн. Алақанды ысқылай жуып, буынның сыртқы бөлігінде, саусақтар мен тырнақ ішін де тазалап отыру керек. Қолды шамамен 20 секундтан артық жуу керек. Жөтелген немесе түшкірген кезде мұрныңыз бен аузыңызды мейлінше салфеткамен жабуға тырысыңыз. Қолданылған салфетканы бірден лақтырып отыру керек. Егер қасыңызда салфетка болмаса, аузыңызды алақаныңызбен емес, шынтақпен жабуға тырысыңыз», - дейді профессор.

Бұдан бөлек Алмаз Шарман қарапайым медициналық маскалар жеткілікті дәрежеде қорғай алмайтынын айтады.

«Алайда маскалар кішкентай аэрозольды бөліктерден сақтай алмайды. Сонымен қатар маска көзді де қорғай алмайды. Көз арқылы да вирус ағзаға еніп кетуі ықтимал. Басқаша айтқанда маскалар коронавирус инфекциясынан жеткілікті дәрежеде қорғай алмайды», - деді ол.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT