21:35, 21 Қаңтар 2021 | GMT +6
Алматының бірнеше шағын ауданында суық су болмайды
АЛМАТЫ. ҚазАқпарат – Ертең Алматының бес шағын ауданында бір күн суық су болмайды, деп хабарлайды ҚазАқпарат тілшісі «Алматы су» мемлекеттік қазыналық кәсіпорнына сілтеме жасап.
23 қаңтар күні таңғы сағат 8:00-ден кешкі 20:00-ге дейін М.Әуезов ауданының № 6, 9, 10, 10-А, 11 шағын ауданында орналасқан тұрғын үйлер мен әкімшілік ғимараттарға суық су беру тоқтатылады.
«Суды өшіру магистраль желілеріне жаңа су құбырларын қосу үшін және желідегі технологиялық құрал-жабдықтарды ауыстыру үшін қажет», - деп хабарлады «Алматы су» кәсіпорны.
«Алматы су» кәсіпорны уақытша қолайсыздыққа түсіністікпен қарауды сұрайды.