Алматыда терроризмге қарсы оқу-жаттығу өтеді
«2019 жылдың 19 қыркүйегінде Жетісу ауданы, Райымбек көшесінде (259, 261, 263) жоспарлы антитеррористік оқу-жаттығу өтеді. Оқу-жаттығудың мақсаты – адамдар көп жиналатын жерлерде террористік қауіп туындаған кезде өзара әрекеттесу дағдыларын пысықтау. Сондай-ақ, оқу-жаттығу міндеттері лаңкестік әрекеттерге осал нысандарда терроризм актісінің алдын алу тетіктерін жетілдіруге бағытталған. Сонымен бірге, шара өтетін кезеңде шектеу шаралары қарастырылатынын хабарлаймыз. Осыған байланысты азаматтарды өткізіліп жатқан іс-шараларға түсіністікпен қарап, қауіпсіздік шараларын сақтауға және жаттығулар өткізуге тартылған мемлекеттік орган қызметкерлерінің заңды талаптарын орындауға шақырамыз», - делінген таратылған хабарламада.
Сонымен қатар, ҚР «Әкімшілік құқықбұзушылық туралы» кодекстің 443-бабына сәйкес, қоғамдық тәртіпті қамтамасыз етуге қатысатын тұлғаның заңды талабына бағынбаған азаматтар әкімшілік жауапқа тартылатынын атап өткен жөн.
Авторы Данияр Дауталиев