Алматыда тау бөктеріне 16 см қар түсті

Кеше түнгі 22.00-де басталған жауын-шашынның арты қарға ұласты. Таулы және тау бөктерлеріндегі аймақтарға 16 см, ал қалаға 10 см қар түсті.

Қар жауа бастаған сәттен көктайғақтың алдын алу үшін тау бөктері мен таулы аудандарда мұз ерітетін ұнтақ себілді, жауған қар сыпырылды.

Қалада сілбі қардан құлаған бұтақтарды жинау жұмысы жүріп жатыр.

Тазарту жұмысына 537 техника, оның ішінде 117 құмлақтырғыш пен 1073 жол жұмысшысы жұмылдырылды.

Аудан әкімдіктері мен қала әкімдігінде қар тазалау жұмысын бақылайтын кезекшілік тәулік бойына ұйымдастырылды.

Қазгидрометтің болжамы бойынша 23 қазанға қараған түннің бірінші жартысына дейін жауын-шашын сақталады.

Бүгін күндіз ауа температурасы: + 2 +4 градус, түнде -1, -3.

Ертең күндіз +8 +10 градус жылы болады