14:42, 17 Қаңтар 2020 | GMT +6
Алматыда «Сергек» он бес күнде 53 миллион теңгеге айыппұл салды
АЛМАТЫ. ҚазАқпарат – Алматыдағы «Сергек» камералары он бес күнде 53 миллион теңге көлеміндегі жол ережесін бұзу фактісін анықтады, деп хабарлайды ҚазАқпарат тілшісі.«Қазірдің өзінде шамамен 53 миллион теңгеге 3200-ден астам заңбұзушылық анықталды. Күніне орта есеппен 200-ге жуық жол жүру ережесін бұзғандар тіркеледі», - дейді әкімшілік полиция басқармасының бастығы Жандос Мұратәлиев.
Оның айтуынша, қалада 400 «Сергек» камерасы бар. Оның 300-і жоғары жылдамдықты, қалған 100-і сызықтық режімде жұмыс істейді.
«Яғни, бұзушылықтардың басым бөлігі жоғары жылдамдық режімінде тіркеледі», - деп қосты ол.
Бұған дейін мегополис көшелерінде 400 жаңа камера іске қосылғаны туралы жазған болатынбыз.