11:30, 18 Маусым 2021 | GMT +6
Алматыда салынып жатқан көпқабатты үйден өрт шықты
АЛМАТЫ. ҚазАқпарат - Алматының Жетісу ауданында салынып жатқан көпқабатты үйден өрт шықты, деп хабарлайды ҚазАқпарат тілшісі.
Өрттің видеосы әлеуметтік желіде тарады.
Қалалық Төтенше жағдайлар департаментінің мәліметінше, 18 маусым күні таңғы сағат 10:22–де өрт сөндіру көліктері Жетісу ауданындағы «Драгон Сити» тұрғын үй кешеніне жіберілді.
«Солтүстік айналма жол №29 мекенжайындағы «Драгон Сити» тұрғын үй кешенінде салып жатқан 9 қабатты үйдiң 1 қабатында өрт шықты. Қызыл жалын 8 шаршы метр аумақты шарпыған. Белгілі болғанындай пластикалық құбырлар жанған. Өрт сөндiрушiлер келгенге дейін өрт сөндipiлген»,- деп хабарлады Алматы қалалық Төтенше жағдайлар департаментінің баспасөз қызметі.