Алматыда Конституция күніне орай салтанатты жиын өтті

Салтанатты жиында сөз сөйлеген әкім Елбасының қазіргі Қазақстанды құрудағы тарихи рөлін атап өтті.

«1995 жылы Конституцияның қабылдануы – күрделі саяси жағдайда жасалған халықтың тарихи тағдырының таңдауы. Бұл – ҚР Тұңғыш Президенті – Елбасы Н.Ә.Назарбаевтың басшылығымен еліміздің тарихында жасалған жаңа қадам. Ол кезде, жалпыұлттық референдумда, қазақстандықтар заманауи құқықтық мемлекетке дауыс берген еді», - деді Бақытжан Сағынтаев.

Бақытжан Сағынтаев Конституция еліміздің барлық азаматтары үшін алдағы онжылдықтарда құндылықты платформаға айналғанын және қоғамымызды біріктіргенін атап өтті.

«Тарихтан көргеніміздей,табысқа жеткен барлық елдердің жетістіктерінің негізін мықты саяси көшбасшылық пен саяси еріктілік құрайды. Елбасы – Қазақстанның заманауи конституциялық құрылымының негізін қалаушы», - деді Б. Сағынтаев.

Әкім Елбасының1995 жылы қабылданған заңды күшіне ие 147 жарлығы нарықтық байланысты күшейтіп, Нұрсұлтан Назарбаев шығарған Қазақстанның алғашқы жаңғыру тәжірибесіне айналғанына тоқталды.

Сондай-ақ, әкім бүгін, еліміздің жаңа даму кезеңінде, біз Президент Қасым-Жомарт Тоқаевтың басшылығымен қазақстандық үлгі – «Нұрсұлтан Назарбаевтың үлгісі» бойынша даму жолын жалғастырып жатқанын атап өтті.

Авторы Данияр Дәуітәлиев