Алматыда қаруланған ер адам балабақшаға кірмекке әрекеттенген

None
None
АЛМАТЫ. ҚазАқпарат – Алматыда белгісіз ер адам тапаншамен балабақша аумағына кірмекші болды, деп хабарлайды ҚазАпарат тілшісі.

Алматыда қолында тапаншасы бар ер адам балабақша аумағына кірмекші болды. Оның видеосы әлеуметтік желіде тарады.

«Белгісіз ер адам балабақша аумағына күзетшіні тапаншамен қорқытып кірмек болған. Мектепке дейінгі мекеменің күзетшісі полиция жасағын шақырды»,- дейді бейнежазба авторы.

Оқиға Наурызбай ауданының коттедж қалашығында орналасқан «Ашамай-2» балабабақшасында болды.

Алматы қалалық Полиция департаментінің мәліметінше, аталған факт Наурызбай аудандық полиция басқармасында тіркелді.

«Қазіргі уақытта тексеру жүргізілуде, оның ішінде қаруға меншік құқығы бар жоғы анықталады. Содан кейін заңға сәйкес шаралар қолданылатын болады»,- деп хабарлады полициядан.


Соңғы жаңалықтар