10:12, 15 Қазан 2020 | GMT +6
Алматыда қарттар күніне орай спорттық шаралар өтіп жатыр
АЛМАТЫ. ҚазАқпарат – Бүгін Алмалы ауданының орталық саябағында қарттар күніне арналған іс-шара аясында спорттық іс-шаралар өтіп жатыр. Атап айтқанда, йога, скандинавиялық жүріс, фитнес билер, айкуне, деп хабарлайды ҚазАқпарат тілшісі.
Алмалы ауданы әкімдігінен мәлім еткендей, бұл іс-шараның мақсаты - егде жастағы тұрғындардың денсаулығын нығайту, белсенді әлеуметтік өмірге тарту. Оған Алмалы ауданының 50-ге жуық аға буын өкілдері қатысуда.
Ал таза ауадағы спорттық шаралар Ганди атындағы саябақта, Сосновый, Прокофьев атындағы жаяу жүргіншілер аймағында өтеді. Сонымен қатар, ауданның құрметті азаматтарының қатысуымен ағаш отырғызу ұйымдастырылады.
