+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Алматыда карантин режимін бұзғандарға 65 млн теңгеге айыппұл салынды

2020 жылғы 5 желтоқсан 22:49
Бөлісіңіз:
Алматыда карантин режимін  бұзғандарға 65 млн  теңгеге айыппұл салынды

АЛМАТЫ. ҚазАқпарат – Алматының мониторинг топтары күшейтілген режмде жұмыс істеп жатыр. 13 заң бұзушылық бойынша материалдар сотқа берілді, деп хабарлайды ҚазАқпарат тілшісі.

8 қараша мен 3 желтоқсан аралығында 504 мониторинг шаралары жүргізілді, оның барасында 4108 нысан қамтылды. Соның нәтижесінде карантин шараларын бұзудың 945 фактісі анықталды.

Мониторингтік топтар жүргізген тексерістер нәтижесінде келесі шаралар қабылданды: карантин шараларын сақталмағаны үшін әкімшілік құқықбұзушылық жөнінде 770 хаттама толтырылды. Жалпы сомасы 67,5 млн теңгеге заңды тұлғаларға 170 және жеке тұлғаларға 530 айыппұл салынды. Жүйелі бұзушылықтар бойынша 13 материал сотқа берілді.

Алматы қаласының мамандандырылған ауданаралық әкімшілік сотына аудандар бойынша төмендегідей материалдар жіберілді:

- Медеу ауданында 9 шұғыл хабарлама бойынша 5 материал («Манана» мейрамханасы, «Отрар бар» ЖШС, «Централ» дәмханасы, «Hookah Dreams» лаундж-бары, «Небо» ресто-бары);

- Түрксіб ауданы бойынша 3 материал («Раяна» мейрамханасы Илахунов ЖК, «Атлантис» бильярд клубы Бижанов Р. М. ЖК, «Прованс» дәмханасы);

- Алмалы ауданы бойынша 3 материал («Арагоста», «Дегирмен» дәмханасы, «Дореми» караоке);

- Әуезов ауданы бойынша 2 материал («Мята» лаундж-бары, «Алматы» караоке-бары).

Естеріңізге сала кетейік, шектеу шаралары мен санитарлық ережелерді жүйелі түрде (2-3 рет) және қасақана бұзу фактілері анықталған жағдайда материалдар аумақтық прокурорларға ӘҚБтК-нің 462-бабының 3-тармағы бойынша құқық бұзушыларды тарту және сотқа беріп, іс қозғау үшін беріледі.

Заңнамаға сәйкес, құқық бұзушылардың жауапкершілігі ұйымның қызметін тоқтатуға дейін қарастырылған.


Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT