+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Алматыда халық КВИ жұқтыратын негізгі орындар - дүкен-базарлар мен автобус

2021 жылғы 29 шілде 17:14
Бөлісіңіз:
Алматыда халық КВИ жұқтыратын негізгі орындар - дүкен-базарлар мен автобус

АЛМАТЫ. ҚазАқпарат - Алматы қаласы санитарлық-эпидемиологиялық бақылау департаментінің басшысы Жандарбек Бекшин тұрғындарды өзара байланысты шектеуге шақырды, деп хабарлайды ҚазАқпарат.

Ұқсас жаңалықтар
Бір күнде 59 сырқат коронавирустан көз жұмды 4 672 науқас коронавирустан жазылып шықты Тағы 3 мыңға жуық қазақстандық коронавирус жұқтырды

Өңірлік коммуникациялар қызметінде өткен баспасөз конференциясында спикер дерт жұқтыратын ықтимал орындар - сауда нысандары, отбасылық байланыс және қоғамдық көлік екенін айтты.

Ж. Бекшин инфекция жұқтыру эпидемиологиядағы стандартты көрсеткішке қатысты екенін атап өтті. Ал бұл карантин шараларының тиімділігін бағалауға мүмкіндік береді.

Соңғы 7 күнде Алматыда КВИ жұқтыратын негізгі орындар мыналар: сауда нысандарында – 35%, отбасылардағы байланыстар – 19%, қоғамдық көлікте қатынау – 16%, базарлар - 14%, саябақ пен халықтың демалатын жаяу жүргіншілер көшелері – 3,6% болды.

Сонымен қатар инфекцияның нақты орындары анықталды. Соңғы аптада туыстармен және көршілермен байланыс кезінде КВИ инфекциясы 0,2–0,4% өсті.

Азық-түлік сатпайтын дүкендерде – 0,1% және қоғамдық тамақтану нысандарында, мейрамханаларда, дәмхана мен асханаларда – 0,2%, монша мен сауналарда – 0,4% өскені байқалды.

«Ashyq жобасына қатысушы нысандарға бару кезінде жұқтырғандардың үлес салмағы 106-дан 186 адамға дейін артты, бұл олардың кіреберістегі келушілерді бақылау жұмысын куәландырады. Жобаға деген осындай көзқарас ХҚО-да 16 адамды, сауналарда, бассейн мен фитнес-орталықтарда 11 адамды, мейрамханаларда, кафелерде 8 қала тұрғынын және банкет залдарында 5 адамды анықтады», – деді Ж. Бекшин.

Мегаполистің бас санитар дәрігері алматылықтардан міндетті түрде бетперде тағу, жұмыс бөлмесін, үй-жайларды үнемі желдетіп отыру, адам көп жиналатын орындарға бармауды өтінді.

Инфекция күдігі туындаған жағдайда бірден дәрігердің көмегіне жүгініп, басқа адамдарға жұқтырмас үшін шектеу шараларын сақтау қажет.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT