16:37, 07 Сәуір 2020 | GMT +6
Алматыда дезинфекция жұмыстарына қанша қаражат бөлінді
АЛМАТЫ. ҚазАқпарат – Алматыда дезинфекция жұмыстарына 293 млн тенге бөлінді. Бұл туралы қалалық тұрғын үй басқармасының басшысы Ержан Сейтенов брифинг барысында айтты, деп хабарлайды ҚазАқпарат тілшісі.
«Жалпы дезинфекцияға 293 миллион теңге бөлінді, егер әрбір кіреберістің бағасына тоқталар болсам, онда ол 600 теңгеден 9 мың теңгеге дейінгі аралықта. Мысалы, екі қабатты үйдің кіреберісін алсаңыз, онда бір реттік залалсыздандыру 600 теңгені құрайды, ал 28 қабатты үйдің кіреберісі 9 мың теңге»,– дейді Ержан Сейтенов.