16:10, 21 Мамыр 2020 | GMT +6
Алматыда әскери шенеуніктер ұсталды
НҰР-СҰЛТАН. ҚазАқпарат - Алматыда әскери шенеуніктердің үстінен сотқа дейінгі тергеу басталды. Бұл туралы ҚР Сыбайлас жемқорлыққа қарсы іс-қимыл агенттігінен мәлім етті, деп хабарлайды ҚазАқпарат тілшісі.
«Алматы қалалық сыбайлас жемқорлыққа қарсы қызметі ҚР Қорғаныс министрлігінің Әскери-техникалық мектебің Алматы филиалы директорының орынбасары мен Алматы қалалық қорғаныс істері жөніндегі департаментінің бөлім бастығына қатысты сотқа дейінгі тергеуді бастады», - делінген агенттіктің Telegram парақшасында жарияланған ақпаратта.