+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Алматыда ақша жымқырған техникалық қадағалау мамандары сотталды

2021 жылғы 11 тамыз 18:54
Бөлісіңіз:
Алматыда ақша жымқырған техникалық қадағалау мамандары сотталды

АЛМАТЫ. ҚазАқпарат - Алматыда ақша жымқырған техникалық қадағалау мамандары 7 жылға сотталды, деп хабарлайды ҚазАқпарат тілшісі.

Ұқсас жаңалықтар
Алматы «қызыл» аймақтан шықты Алматыда «Бюджетке қатысу» жобаларына дауыс беру басталды Алматыда «қызыл» мәртебесі бар 169 адамға айыппұл салынды

Алматылық прокурорлар «Әйгерім-1,2» шағын аудандарының сумен жабдықтау және кәріз желілерінің құрылысын, сондай-ақ «Хан Тәңірі» тұрғын үй кешеніне арналған суқұбыр желілері мен құрылыстарын қайта жаңарту жұмыстарын зерттеді.

«Бұл жұмыстарды Энергетика басқармасының тапсырысы бойынша «К» ЖШС мен «Ж» ЖШС 2018 жылдың қаңтар айында 760 млн теңгеге орындауға тиіс болатын. Сондай-ақ құрылыс-монтаждау жұмыстарының сапалы орындалуын бақылау екі адамға жүктелген. Прокурорлар қажетті өлшеулерді жүргізе отырып, құны 225,5 млн теңге болатын жұмыстардың орындалмағанын, ақшаның ұрланғанын, ал нысандардың жұмыс істемейтінін анықтады», - деп хабарлады Алматы қаласының прокуратурасы.

Атап айтқанда, қарастырылған екі резервуардың орнына біреуі салынған, учаскенің аумағы абаттандырылмаған, арнайы сорғылар болмаған.

Осыған қарамастан нысандар пайдалануға беріліп, шарт бойынша ақшалай қаражат толық көлемде төленген.

Бұл техникалық қадағалау мамандарының көмегімен жүзеге асқан. Нәтижесінде 10 адам, соның ішінде аталған мамандар, құрылыс компанияларының басшылары және Энергетика басқармасының бірқатар лауазымды тұлғасы сотқа тартылды.

Мемлекетке келтірілген жалпы шығын - 225,5 млн теңге.

Прокурорлық тексеру нәтижелері бойынша қылмыстық іс қозғалып, оны тергеумен Алматы қаласының арнайы прокурорлары айналысты.

«Сот үкімімен техникалық қадағалаудың 2 өкілі және қылмысқа қатысы бар жоғарыда аталған 8 адам 7 жылдан 8 жылға дейінгі мерзімге бас бостандығынан айырылды. Сот процесі барысында сотталушылар мемлекет кірісіне 93,4 млн теңге төледі, залалдың қалған сомасы үкімді орындау аясында өндіріп алуға жатады»,- делінген хабарламада.

Жалпы дағдарысқа қарсы шараларды іске асыру аясында бөлінген бюджет қаражатын жұмсау заңдылығын тексеру 1 млрд теңгеден астам соманың жымқырылғанын анықтады, 18 іс қозғалды, 4-уі бойынша үкім шығарылды, қалғандары сотта қаралып жатыр.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT