+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Алматы тауларында Wi-Fi орнатылған үйшік пен құтқару пунктері пайда болады

2021 жылғы 15 шілде 15:47
Бөлісіңіз:
Алматы тауларында Wi-Fi орнатылған үйшік пен құтқару пунктері пайда болады

АЛМАТЫ. ҚазАқпарат - Алматы тауларында смарт-навигатор мен Wi-Fi орнатылған үйшік пен құтқару пунктері пайда болады. Бұл туралы Алматы қаласының Туризм басқармасы басшысының орынбасары Мәрлен Маралов онлайн брифинг барысында айтты, деп хабарлайды ҚазАқпарат тілшісі.

Ұқсас жаңалықтар
Алматыдағы көпқабатты үйдегі өрт: Жалын 1500 шаршы метр аумақты шарпыды Алматыда карантин талаптары жеңілдейді Алматы вокзалында темекі шегіп, ішімдік ішкен 3 адамға айыппұл салынды

Оның айтуынша, биыл тау туристерінің саны 4 есеге артты. Осыған байланысты әкімдік Алматы тұрғындары мен қонақтарының қауіпсіз әрі жайлы демалуы үшін қажетті жағдайлар жасау жоспарын әзірледі. Таулы маршруттардың шалғай тораптық учаскелерінде жаздың соңына дейін туристерді паналау үшін 15 үйшік салынады.

«Әрбір үйшікте іздестіру, құтқару қызметтері үшін картаға және GPS-координаттарға байланған реперлік бастырма да болады. Төтенше жағдайлар туындаған кезде немесе ауа райының қолайсыз болғанда үйшік туристерге қажетті көмек жиынтығын алуға мүмкіндік береді (алғашқы медициналық көмек жинағы, маршрут карталары, мобильді құрылғыларды зарядтау стансасы, жылы көрпе мен бұзылмайтын азық-түлік жиынтығы).Үйшіктің жанына SOS спутниктік сигналын құтқарушылар пультіне енгізу жүйесі бар діңгектер орнатылады»,-деді спикер.

Апат сигналын беруге арналған барлық спутниктік жабдықтар таудағы үйшік конструкциясына біріктіріледі, сондай-ақ Wi-Fi функциясымен жабдықталады. Бұл жүйе шалғай таулы маршруттарда қиын жағдайға тап болған тәжірибесіз, дайын емес туристерге арналған.

Пайдаланушы интерфейсі минималды-дауыстық қоңырау түймесі, бейне қоңырау камерасы мен бірнеше тілдегі нұсқаулар болады.

«Қосымша туристік навигацияның бірыңғай жүйесін құру мен тауға шығуға арналған смарт-навигатор түріндегі қосымшаны іске қосу бойынша жұмыс жүргізіледі. Ол ТЖД базасымен интеграцияланатын болады»,- дейді Мәрлен Маралов .

Сонымен қатар, олбиыл Кіші және Үлкен Алматы шатқалдарында 2 бақылау-құтқару пункті салынатынын атап өтті.

Сондай-ақ алғаш рет құрылған 16 адамнан тұратын тау құтқарушыларының жасағы тәулік бойы кезекшілік етеді.

«Тұйықсу» шатқалында қосымша тікұшақ алаңы құрылады.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT