Алматы облысының полицейлері тұрғындарға маска таратты
«Бүгін біз тұрғындар арасында пандемияның алдын алуға қатысты сақтық шараларын ұстану туралы ескерту жұмыстарын жүргіздік. Медициналық бетперде тақпағандарға індеттен қорғанудың жолдары түсіндіріліп, бетперде тараттық. Сондай-ақ, облыстық санитарлық дәрігердің қаулысына сәйкес жарияланған екі күндік локдаун кезінде мүмкіндігінше үйден шықпау қажеттігін ескерттік»,- деді Балқаш аудандық полиция бөлімі Әкімшілік полиция бөлімшесінің бастығы Балбек Лепесбаев.
Полиция өкілі арнайы шара барысында карантин талаптарын сақтамаған жүргізушілерге тек ескерту берілгенін атап өтті. Рейдті өткізуге белсенді атсалысқан аудандық ӘПБ жол және техникалық инспекциясы тобының мемлекеттік көлік инспекторы Е.Құрманбеков пен АПБ кадр саясаты тобының инспекторы Д. Жүнісбаев азаматтарға өзінің де және өзгенің де денсаулығына қауіп төндірмеу үшін сақтық шараларына жауапкершілікпен қарау қажеттігін жете түсіндірді.
