04:21, 25 Қараша 2018 | GMT +6
Алматы облысында жиналыстар саны азайды
ТАЛДЫҚОРҒАН. ҚазАқпарат - Алматы облысында мемелекеттік органдар жұмысына талдау жүргізілді. Нәтижесінде мемлекеттік мекемелерде жиналыстар екі есеге азайды, деп хабарлайды ҚазАқпарат тілшісі.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Алматы облысы бойынша департаментінің басшысы Серікбай Нұрғисаевтың айтуынша облыстағы мемлекеттік органдар жұмысындағы бизнес-процесстерді оңтайландыру нәтижесі шықты. Арнайы мониторинг пен талдаудан кейін мемлекеттік органдар сұрататын ақпарат, есептердің бірыңғай тізбесі бекітілді.
«Нәтижесінде есептер саны 30%-ға, жоғары тұрған органдар сұраулары 45%-ға қысқарды. Сонымен қатар, қағаз түріндегі келісімдердің қайталануы жойылды. Бұған қоса, облыстағы басшылардың қатысуымен өтетін жиналыстар саны да 2 есеге азайды», - деді департамент басшысы.