+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Алматы облысында учаскелік полицей жарылыстың алдын алды

2019 жылғы 6 қараша 21:21
Бөлісіңіз:
Алматы облысында учаскелік полицей жарылыстың алдын алды

ТАЛДЫҚОРҒАН.ҚазАқпарат - Алматы облысында ауылдық учаскелік полиция қызметкері өртеніп жатқан пәтерден әйел адамды құтқарып, өрттің одан әрі тарауына жол бермеді, деп хабарлайды ҚазАқпарат тілшісі.

Ұқсас жаңалықтар
БҚО-да «КамАЗ» көлігі өртеніп кетті Петропавлда өрттен 11 адам құтқарылып, біреуі көз жұмды Қостанайлық «103» қызметкерлері екі баланы отқа оранған үйден алып шықты

Аталған дерек Текелі қаласына қарасты Рудничный ауылында болды. 6 қараша күні учаскелік полиция инспекторы полиция капитаны Ербол Аманбаевқа көп пәтерлі үйлердің бірінде өрт шықты деген хабарлама түскен. Оқиға орнына шұғыл келген полицей өрт сөндірушілерді күтпей, пәтер есігін бұзып кірген. Ойланбастан түтінге тұншығып қалған 59 жастағы пәтер иесін далаға алып шыққан. Өртеніп жатқан пәтердегі газ толы баллонды далаға шығарып, жарылыстың алдын алған.

«Пәтер иесі Роза апай өртті өзі сөндіруге тырысқан тәрізді. Өйткені, ас үй мен жуынатын бөлме арасында дәлізде жатыр екен. Мен оны тез арада қауіпсіз жерге апардым. Мен жүгіріп кірдім де, ыстық газ балонды ажыратуға тырыстым. Болмаған соң, шлангты пышақпен кесіп, пәтерден шығардым. Қолымды да оңдырмай күйдіріп алдым. Өрт асүйден шыққан сияқты, себебі тоңазытқыш, жиһаздар мен қабырғалар өртеніп жатыр екен. Жуынатын бөлмеден су тасып, қолымнан келгенше шашып, өртті өшірдім», - деді Ербол Аманбаев.

Рудничный ауылының 1000-нан астам тұрғыны бар. Тау етегінде орналасқан ауылдың өз мектебі, күндізгі медициналық ауруханасы, ауыл әкімдігі бар. Дегенмен, өрт шыққан жағдайда ауыл тұрғындары 50-60 шақырым қашықтықта орналасқан Текелі қаласынан көмек күтеді.

«Ауыл таулы жерде орналасқандықтан, оған жету үшін біраз уақыт қажет. Осыны ескере отырып, учаскелік полиция қызметкерінің шұғыл әрекеті мен өрт сөндіру кезіндегі шеберлігін ерекше атап өтуге тұрарлық. Өртті сөндіруде капитан Ербол Аманбаев сол қолын күйдіріп алғанымен, медициналық көмек көрсеткеннен кейін қызметіне қайта оралды. Қазір әдеттегідей жұмысын жалғастыруда», - деп толықтырды Алматы облысы ПД баспасөз қызметі.

Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT