+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Алматы облысында төрт оқушыны көлігімен қаққан мас жүргізуші 10 жылға сотталды

2021 жылғы 15 маусым 16:53
Бөлісіңіз:
Алматы облысында төрт оқушыны көлігімен қаққан мас жүргізуші 10 жылға сотталды

ТАЛДЫҚОРҒАН. ҚазАқпарат - Алматы облысында 4 оқушыны көлігімен қаққан мас жүргізуші 10 жылға сотталды. Еңбекшіқазақ ауданында болған жантүршігерлік оқиға салдарынан 9-10 жастағы екі қыз бала ауруханада көз жұмған болатын, деп хабарлайды ҚазАқпарат тілшісі.

Ұқсас жаңалықтар
Астанада бір апта ішінде 3 баланы көлік қағып кеткен Теміртауда жол апатынан әкесі мен 10 жасар ұлы қаза тапты Жезқазғанда жолдан өтіп бара жатқан 67 жастағы кейуананы көлік қағып кетті

Жаңа ғана Еңбекшіқазақ ауданындық сотының судьясы Айнұр Балтақай үкімді оқыды.

Еңбекшіқазақ ауданындағы Қорам ауылының 54 жастағы тұрғыны А. Демесінов 10 жылға бас бостандығынан айырылды.

Естеріңізге сала кетейік, 2 наурыз сағат 18:40 шамасында Еңбекшіқазақ ауданының Қорам ауылында мектептен қайтып келе жатқан 4 оқушыны көлік қағып кеткен еді.

«Уаз» автокөлігі жол жиегінде тұрған 10 жасар екі және 9 жастағы екі қызды қақты. Артынша Қорам ауылының 54 жастағы тұрғыны ұсталды. Ол көлікті мас күйінде жүргізген.

Әртүрлі дене жарақатын алған үш бала ауруханаға түсті. 14 наурыз күні бірінші оқушы, 4 сәуір күні екінші оқушы есін жимастан көз жұмды.

Айта кетейік, Президент Қасым-Жомарт Тоқаев мас жүргізушіге қатысты тергеуді өз бақылауына алғаны хабарланған болатын.


Біздің каналымызға жазылыңыз:

Бөлісіңіз:

Автор:

Самал Қабышева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT