Валюта бағамдары:
    usd/kzt 466.44 eur/kzt 487.71

    rub/kzt 8.56 cny/kzt 69.65
Ауа райы:
Нұр-Сұлтан: 1 °С
Алматы: 15 °С

Алматы облысында тауда жоғалып кеткен төрт жасар бала аман-есен табылды

2022 жылғы 17 мамыр 14:11

ТАЛДЫҚОРҒАН. ҚазАқпарат - Алматы облысында тауда жоғалған төрт жасар бала алты сағаттан кейін табылды. Баланы іздеуге 100-ден аса адам жұмылдырылған, - деп хабарлайды ҚазАқпарат тілшісі.

«16 мамыр күні сағат 20:30-да Алматы облысы ТЖД Кербұлақ ауданы Доланалы ауылының маңында 2018 жылы туған баланың жоғалып кеткені туралы хабарлама келіп түсті.

Ата-аналардың мәліметі бойынша, түскі уақыт шамасында олар төрт жасар баламен бірге таулы аймаққа саңырауқұлақ теруге шыққан. Бір сәтте ата-аналар көліктің жанында ойнап жүрген баланың жоқ екенін байқаған. Үш сағатқа жуық ата-аналар баланы өз бетінше іздестірген, содан кейін ТЖД-дан көмек сұрады.

Іздестіру-құтқару жұмыстарына Алматы облысының ТЖД қызметкерлері, полиция, жергілікті атқарушы органдар мен жергілікті тұрғындар, саны 100-ден астам азаматтар және 1 іздестіру иті дереу кірісті.

Іздеу нәтижесінде сағат 23:30-да бала жоғалған жерден 3 км қашықтықта табылды және дәрігерлердің тексерісінен кейін ата-аналарына тапсырылды»,- делінген Алматы облыстық Төтенше жағдайлар департаментінің баспасөз қызметі таратқан хабарламада.

Ведомствоның ақпаратына сәйкес, қазіргі уақытта баланың денсаулығына төнген қауіп жоқ.


Автор:

Самал Қабышева

Новости по теме