Алматы облысында сотталғандар жақындарымен онлайн кездесе бастады
Короновирустан қорғанудың бірден бір жолы – қашықтықтан байланыс орнату. Бұл ретте Алматы облысы бойынша қылмыстық атқару жүйесі департаменті алғашқылардың бірі болып сақтық шараларын қолға алды. Олар онлайн кездесу өткізді. Қапшағай қаласына қарасты Заречный ауылындағы ЛА 155/8 мемлекеттік мекемесінде 50-ден астам сотталушылар туыстарымен, жұбайларымен бейнебайланысқа шығып, балаларының жүздерін көре отырып сөйлесті.
«Әлемді жайлаған індет COVID-19 пандемиясын біз де естіп, біліп отырмыз. Осы коронавирустан отбасымыз бен ағайын-туыстың амандығын тілеп, жүздерін көруді көп ойлайтын едік. Бүгін міне, сол арманымыз орындалып, бейнебайланыс арқылы сөйлесіп, беттерін көріп, көңіліміз орнықты», - деп бірқатар сотталушылар департамент басшылығына алғыстарын білдірді.