+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Алматы облысында этносаралық қатынастарды тиімді қамтамасыз ету мәселесі талқыланды

2020 жылғы 1 қазан 09:07
Бөлісіңіз:
Алматы облысында этносаралық қатынастарды тиімді қамтамасыз ету мәселесі талқыланды

НҰР-СҰЛТАН.ҚазАқпарат - 2020 жылғы 24-29 қыркүйек аралығында Ақпарат және қоғамдық даму министрлігінің Этносаралық қатынастарды дамыту комитеті төрағасының орынбасары Ғалым Шойкин бастаған мониторинг тобы Алматы облысына барды.

Ұқсас жаңалықтар

Ондағы мақсат әкімдіктердің этносаралық қатынастарды реттеу саласындағы нақты жұмысымен танысу, әрі әдістемелік көмек көрсету, деп хабарлайды ҚазАқпарат ҚР Ақпарат және қоғамдық даму министрлігінің ресми сайтына сілтеме жасап.

Мониторинг тобы Панфилов, Ұйғыр, Еңбекшіқазақ, Талғар және Қарасай аудандарындағы әкімдіктердің этносаралық қатынастарды дамыту саласында жүргізіп жатқан жұмыстарымен танысты. Жергілікті этномәдени бірлестіктердің басшыларымен кездесулер өткізіліп, онда Қазақстан халқы Ассамблеясы жұмысының тиімділігін арттыру, оның қызметін уақыт талаптарына сәйкес жаңғырту мәселелері талқыланды.

Жергілікті уәкілетті мемлекеттік органдар Мемлекет басшысының этносаралық қатынастар саласындағы жұмыс жүйесін жаңғырту жөніндегі тапсырмаларының орындалуы туралы айтып берді.

Сапар барысында жергілікті мемлекеттік органдардың этносаралық саладағы өзекті міндеттері талқыланып, министрлік әзірлеген әдістемелік ұсыныстар мен жұмысты ұйымдастырудың жаңа тәсілдері түсіндірілді.

Бұдан басқа, этносаралық келісімді қамтамасыз ету, сондай-ақ этносаралық шиеленіс пен қақтығыстың алдын алу бойынша талдамалық, әдістемелік, ақпараттық, ақпараттық-түсіндіру қызметі мәселелері бойынша орталық және өңірлік деңгейлерде бірлескен жұмысты үйлестіру және өзара іс-қимыл алгоритмдері келісілді.

Сапар соңында Қаскелең қаласы, Қарасай, Жамбыл, Талғар, Еңбекшіқазақ, Іле және Балқаш аудандары әкімдіктерінің қызметкерлеріне қорытынды семинар ұйымдастырылды. Семинарда этносаралық қатынастар саласындағы мемлекеттік саясатты іске асырудың негізгі бағдарлары белгіленді, әкімдіктердің этносаралық қатынастарды реттеу саласындағы қызметін одан әрі жетілдіру бойынша нақты ұсыныстар берілді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT