04:21, 06 Шілде 2020 | GMT +6
Алматы облысында ауа райына байланысты ескерту жарияланды
ТАЛДЫҚОРҒАН. ҚазАқпарат - Алматы облысында 6 шілде күні қолайсыз ауа райы күтіледі. Осыған байланысты өңірдің төтенше жағдайлар департаменті тұрғындарға ескерту жасады, деп хабарлайды ҚазАқпарат тілшісі.
6 шілде күндіз Алматы облысының таулы аймақтарында нөсер жаңбыр жауады. Кей жерлерде күн күркіреп, бұршақ жаууы мүмкін.
Солтүстік-шығыстан соққан желдін екпіні 15-20 м/с дейін жетеді.
«Осыған байланысты азаматтарды ауа райының өзгерісін бақылап, барынша мұқият болуға және тауға бармауға шақырамыз» делінген аталған ведомствоның баспасөз қызметі таратқан хабарламада.