Алматы облысы Мемлекеттік қызмет істері департаментіне жаңа басшы тағайындалды
Бүгін, Алматы облысының әкімі Амандық Баталов бастаған облыс басшылары департаменттің жаңа басшысы, Әдеп жөніндегі кеңесінің төрағасы лауазымына тағайындалған Ляззат Бейсеқұлованы ұжымға таныстырды.
Облыс әкімі Ляззат Мұқатайқызының мемлекеттік қызметтің ыстығы мен суығына төзіп, білімі мен тәжірибесінің арқасында меритократия қағидасына сәйкес қарапайым қызметкерден департамент басшысы лауазымына дейінгі әр белесті бағындырғанын, сондай-ақ, нағыз өз ісінің маманы екендігін тілге тиек етті.
Ляззат Мұқатайқызы Бейсеқұлова 1972 жылы 10 сәуiрде Алматы облысы Көксу ауданында дүниеге келген. Білімі жоғары: Инженер-технолог, Экономист және Құқық.
Мемлекеттік қызметтегі жалпы еңбек өтілі - 22 жыл, оның ішінде Қазақстан Республикасы Мемлекеттік қызмет істері агенттігінің құрылымдық бөлімшесінде – 8 жыл.
Аталған мемлекеттік органда қызметін Персоналды басқару бөлімінің консультанты лауазымынан бастаған.
Тұрмыста, екі баланың анасы.