12:45, 03 Тамыз 2021 | GMT +6
Алматы маңында болған жол апатынан бір адам қаза тапты
АЛМАТЫ ОБЛЫСЫ. ҚазАқпарат – Алматы облысында Талғар ауданы Тұздыбастау ауылында адам өліміне әкеліп соққан жол апаты болды, деп хабарлайды ҚазАқпарат тілшісі.
Алматы облысы полиция департаментінің баспасөз қызметі хабарлағандай, аталған жол-көлік оқиғасы 2 тамыз күні сағат 23:30 шамасында болған.
«Toyota Rav-4» маркалы автокөліктің 38 жастағы жүргізушісі Алдабергенов көшесімен батыс бағытта келе жатып, ағашқа соқтығысып қалған.
Содан кейін рөлді басқара алмай, аударылған.
Жол-көлік оқиғасы салдарынан оқиға орнында алған жарақаттарынан көліктің 33 жастағы жолаушысы көз жұмды.
Сондай-ақ түрлі дене жарақатымен жүргізуші Талғар қаласының ауруханасына жатқызылды.
«Аталған факті бойынша ҚР ҚК 345-бабы 3-бөлігі бойынша қылмыстық іс қозғалды. Барлық қажетті сараптамалар тағайындалды», - деп атап өтті ПД.