18:16, 02 Шілде 2022 | GMT +6
Алматы-Қаскелең жолының бір бөлігі жөндеу жұмыстарына баланысты жабылды
АЛМАТЫ. ҚазАқпарат – «Алтын Орда» базары маңындағы көпір (Алматы-Қаскелең бағыты) жөндеу жұмыстарына байланысты жабылды, деп хабарлайды ҚазАқпарат тілшісі.
«ҚазАвтоЖол» ұлттық компаниясының мәліметінше, 2-10 шілде аралығында күрделі жөндеу жұмыстарына байланысты «Алматы-Қаскелең» бағыты бойынша бас магистральдық эстакаданың бір бөлігі жабылады.
«Жолайрықтың сапасына жүргізушілерден бірнеше рет шағым түсті. Мердігер ұйым жөндеу жұмыстарын бастады. Бұл – «Алтын Орда» базары маңының 16-19 шақырымы. Жүргізушілерден маршрутты алдын ала жоспарлауды сұраймыз», - деп хабарлады компанияның баспасөз қызметінен.
Бұған дейін әлеуметтік желіде жүргізушілердің бірі «Алтын Орда» маңындағы жолайрықтың сапасын көрсеткен видеосын жариялаған еді. Бейнежазбадан шұңқыр мен кедір-бұдыр жолды байқауға болады.