Алматы қалалық денсаулық сақтау басқармасы жедел жәрдем қызметкерлерінің шағымына жауап берді

Айта кетейік, әлеуметтік желіде жедел жәрдем жүргізушілері көліктерді өз есебінен жөндейді деген ақпарат тарады.

Алматы қалалық қоғамдық денсаулық сақтау басқармасы бұл ақпараттың шындыққа жанаспайтынын мәлім етті.

«Жедел жәрдем автокөліктерін жүргізушілер есебінен жөндеу туралы ақпарат шындыққа жанаспайды. Автомашиналарды жөндеу мен қызмет көрсетуді жедел медициналық көмек станциясындағы автожөндеу шеберханасының бөлімшесі жүргізеді. 2019 жылы 142 млн теңгеден астам сомаға, 2020 жылы – 140 млн теңгеге, 2021 жылдың 9 айында – 49 млн теңгеге қосалқы бөлшектер ауыстырылды. Сонымен қатар, автомобильдерді пайдалану мерзімін ұзартатын күрделі жөндеу жүргізілді»,- деп хабарлады басқармадан.

Қосалқы бөлшектер бойынша шығыстар 2021 жылы лизингке 100 жаңа автомобиль алуға байланысты төмендеді. Олар техникалық қызмет көрсетуді «Hyundai Trans Auto» ЖШС, «Вираж-Сервис Казахстан» ЖШС, «Lion autocenter Almaty» ЖШС қызмет көрсету орталықтарында өтеді.

«ЖМКС барлық бригадалары белгіленген нормативке сәйкес жасақталған. Кадрлардың тұрақтамауы байқалмайды. Штат кестесіне сәйкес қызметкерлер саны 3 583 бірлікті құрайды. Оның ішінде дәрігерлер 362 бірлік, орта медициналық персонал (фельдшерлер) 1899 бірлік, санитарлар – 220 бірлік, жүргізушілер – 922 бірлік, өзге де персонал 180 бірлік. 2019 жылмен салыстырғанда 265 мөлшерлемеге қысқарту денсаулық сақтаудың басқа субъектілеріне қызмет көрсету бойынша функцияларды алып тастауға байланысты әкімшілік-басқарушылық және өзге де персоналды оңтайландыру есебінен жүргізілді»,-делінген хабарламада.

2021 жылы «Әлеуметтік медициналық сақтандыру қоры» КЕАҚ ЖМЖС-мен 7,4 млрд теңге сомаға келісім шарт жасады. ҚР Президентінің 2019 жылғы 19 маусымдағы Жарлығына сәйкес ЖМКС дәрігерлерінің жалақысы 30%-ға, орта медициналық қызметкерлердің жалақысы 20%-ға артты. Жалақы бойынша кідірістер жоқ.

«Ковидтік үстемеақыны төлеу ҚР ДСМ 2020 жылғы 4 сәуірдегі № ҚР ДСМ ЖЖМ-28/2020 бұйрығына сәйкес жүргізілді, жедел медициналық жәрдем дәрігерлері мен фельдшерлері екінші қауіп тобына (он еселік МРЗП - 425 мың теңге), ал жедел медициналық көмек бригадаларының жүргізушілері үшінші қауіп тобына (бес еселік МРЗП - 212 мың теңге) жатқызылды. 2021 жылдың қаңтар-тамыз айларында барлығы 6,1 млрд теңге үстемақы төленді (ай сайын 2,1 мың қызметкерге).

Медицина қызметкерлерін 100% вакциналауға байланысты COVID-19 таралуын болдырмау жөніндегі ведомствоаралық комиссияның шешімі бойынша медицина қызметкерлерін ынталандыру тәсілдері қайта қаралды. Ағымдағы жылдың 1 қазанынан бастап ковидтік үстемеақылар жалақы құрамына енгізіледі және тұрақты сипатқа ие болады. Алдағы уақытта республикалық бюджет комиссиясының қаражат бөлу жөніндегі шешімі шығады»,- деп атап өтті қалалық денсаулық сақтау басқармасы.

Жедел медициналық көмек станциясы қызметкерлерінің барлық өтініштері бойынша тиісті тексерулер жүргізілді. Жағдай мұқият тексеру жүргізген денсаулық сақтау министрлігі мен Алматы әкімдігінің бақылауында.

2021 жылғы 21 қазанда Денсаулық сақтау вице-министрі А.Б. Нүсіпова және ӘМСҚ Басқарма төрағасының орынбасары ұжыммен кездесіп, оқиға орнында ЖМЖС-дағы жағдаймен танысты, Алматы қаласының қоғамдық денсаулық басқармасы жағдайға объективті талдау жүргізуде, оның нәтижелері бойынша ЖМКС-дағы қызмет пен моральдық-психологиялық ахуалды жақсарту бойынша ұсыныстар енгізілетін болады.

Бұдан басқа, жоғарыда аталған барлық мәселені Nur Otan партиясы Алматы қалалық филиалының партиялық бақылау комиссиясы, сондай-ақ Әлеуметтік әл-ауқат басқармасының еңбек инспекторы тексерді.

Басқарма басшылығы немесе басқа мемлекеттік органдар тарапынан ЖМКС қызметкерлеріне қысым көрсетілмегенін және көрсетілмегенін атап өткен жөн. Ұжымдық өтінішке қол қойғандардың ішінде 77 адам 65-і қол қоюдан өз еркімен бас тартты, өйткені өтініш мәтінімен таныспады.

Жедел медициналық көмек станциясы директорының құқық қорғау органдарына жүгінуі — оның азаматтық құқығы. Өйткені оны лауазымға тағайындаудың заңсыздығы туралы дәлелдер шындыққа сәйкес келмейді.

«Аттестаттауға қатысты келесілерді түсіндіреміз. ЖМКС әкімшілігі мен екі кәсіподақ ұйымы арасында 2020 жылғы 13 мамырда 2023 жылғы 25 ақпанға дейін қолданыстағы үшжақты ұжымдық шарт тіркеліп, бекітілді. Оған және аттестаттау туралы ережеге сәйкес ЖМКС қызметкерлері жыл ішінде бір рет аттестаттаудан өтеді.

2021 жылғы 6 қыркүйекте жүргізушілер құрамы (877 адам) аттестаттаудан өтті, 6 қазаннан бастап 88 жүргізуші қайта аттестаттауға жіберілді. Қазіргі уақытта қайта аттестаттау әлі аяқталған жоқ

ЖМКС қызметкерлерінің (жүргізушілер Е.К. және Ш.А., фельдшер Т.Ж.) көпшілік алдында сөз сөйлеуі Алматы халқына медициналық қызмет көрсету сапасының нашарлауына әкеп соғуы мүмкін ұйым ұжымындағы жағдайды тұрақсыздандыру әрекеті ретінде бағалануы мүмкін екенін өкінішпен айтуға мәжбүрміз. Бұдан басқа, аталған адамдар еңбек тәртібін бұзушылар болып табылады, еңбек заңнамасына сәйкес қолданылған тәртіптік жазалары бар»,- деп атап өтті басқармадағылар.

Алматы қаласының қоғамдық денсаулық басқармасы медициналық ұйымдардың барлық қызметкерлерінің құқықтарын, ар-намысы мен қадір-қасиетін қорғау бойынша қағидатты ұстанады және даулардың барлық қатысушыларын қолданыстағы заңнама аясында шешуге шақырады.