Алматы дәрігерлері реанимациядан видео түсіріп, халықты вакцина алуға шақырды

None
None
АЛМАТЫ. ҚазАқпарат - Алматылық дәрігер-реаниматологтар қала тұрғындарын екпе салдыруға шақырды, деп хабарлайды ҚазАқпарат.

Алматы инфекциялық стационарлардың медицина қызметкерлері КВИ инфекциясының ауыр зардаптарынан қорғану үшін келіп, вакциналануға шақырды.

«Қызыл» аймақтарда жұмыс істейтін дәрігерлер қала тұрғындарына видео хабарлама түсірді.

Бүгінде Алматыда 23 ковидтік стационар бар. Онда вируспен күрестің алдыңғы қатарында емханалар, ауруханалардың басшылары, дәрігерлер, реаниматологтар, медбикелер, лаборанттар мен медбикелер жұмыс істейді.

Медицина қызметкерлерінің жүктемесі өте үлкен. «Қызыл» аймақта 5 мыңға жуық пациент бар, тағы 10 мыңнан астамы үй бақылауында.

Алматылық реаниматологтар реанимациядан видео түсірді, сонымен қатар науқастардың қалай емделетінін көрсетті.

Дәрігерлердің айтуынша, вакциналанбаған науқастар ауруды ауыр өткеріп жатыр.

Сонымен қатар, олар ішкі ағзаларды зақымдайтын вирустың жаңа нұсқаларының нысанасына айналады.

«Қызыл» аймақ дәрігерлері физикалық тұрғыдан ғана емес, психологиялық тұрғыдан да қиын.

Фтизиопульмонология орталығының реаниматолог дәрігері Әбіш Досмұратов жансақтау бөліміндегі 30 орынның барлығы қолданыста екенін айтты.

Ковидтік стационарда түсірілген кадрлар қанша адамның желдеткішке қосылғанын көрсетеді. Бұл - интернетпен «қорқыту» емес, Алматыдағы шынайы ахуал.

Соңғы аптада жұқтырғандар саны 1,2 есеге өсті.

Өткен тәулікте Алматыда коронавирус инфекциясының тағы 1 540 жағдайы тіркелді, шілдеде 20 мыңға жуық адам жұқтырған.

Ауруханаға жатқызылатын жағдайлар саны пропорционалды түрде артып келеді.

Егер бір ай бұрын күніне 40-70 науқас ауруханаға түссе, қазір олардың саны 10 есеге артты.

Өсудің себебі «дельта» штамының таралуы болды, ол тез жұғады әрі клиникалық көріністері өте ауыр.

«Вирус өте жұқпалы, бізде реанимациядағы барлық орындар толы. Біздің аурухана ковидтік стационар болып қайта жасақталды. Науқастардың саны күнделікті өсуде. Инфекция тізбегін тоқтату үшін вакциналану қажет. Бұл бүгінгі жалғыз қорғаныс шарасы», - дейді Ә. Досмұратов.

Фтизиопульмонология орталығының тағы бір реаниматологы Нұрсұлтан Ержігітов стационарда вакциналанбаған науқастар бар екенін айтты. Олардың иммунитеті ауыр вирусқа қарсы қорғалмаған.

«Біз алматылықтарға вакциналанғанда ғана пандемияны жеңдік деп жариялай аламыз. Бұл коронавирусты жұқтырмаудың және оның одан әрі таралуын тоқтатудың ең тиімді жолы. Ковидті жеңудің бұдан басқа жолы жоқ», - деді Н. Ержігітов.

Онымен коронавирустың екінші толқыны басталғалы КВИ науқастарын емдейтін фтизиопульмонология орталығының реаниматолог-анестезиологы Данияр Жейсембаев келіседі.

Осы уақыт ішінде дәрігер демалыссыз адамдардың өмірін сақтап қалуда. Оның айтуынша, жұмыс кезінде жансақтау бөлімінен 400-ге жуық науқас өткен.

«Бүгінде науқастардың 80%-ға жуығы коронавирустың «дельта «штаммын жұқтырғандар. Ол аса қауіпті әрі ешкімді аямайды. Сондықтан бетперде тағып, адамдар көп жиналған орындардан аулақ болып, екпе салдыру қажет. Бүгінде біз жастардың жансақтау бөліміне жиі түсетінін көрудеміз. Қазақстанда миллионнан астам адам коронавирусқа қарсы екпе алды. Вакциналау өзінің тиімділігі мен қауіпсіздігін көрсетті, сондықтан иммунитетті қалыптастыру үшін тез арада вакциналану қажет», - деп атап өтті Д. Жейсембаев.

Стационарларда 4930 науқас жатыр, оның ішінде 240 бала. Ауруханаға жатқызылғандардың 3563-і – орташа, 1207 – ауыр жағдайда. Жансақтау және интенсивті терапия бөлімінде 310 адам бар, оның ішінде 160-ының жағдайы ауыр.


Соңғы жаңалықтар