Алматы барахолкасында 3 базар қайта жаңғыртылып жатыр
Атап айтқанда, Ялянь-2 базарында ауданы 12 мың шаршы метр болатын 400 сауда орны биыл ақпанда ашылады.
«Рахат-KZ» базарында ауданы 6 мың шаршы метр аумақта 600 сауда орны жасақталады. Жаңа базар мамырда ашылады.
«Алатау» базарының 4 блогында 250 сауда орны қосымша ашылып, 6 мың шаршы метрге кеңеймек. Бұл базардың ашылуы - шілдеде
Одан бөлек, 400 сауда орны бар «Керемет» жаңа сауда үйінің құрылысы қарқынды жүріп жатыр. Жаңа нысан 2020 жылдың тамызында пайдалануға беріледі.
Аудан әкімінің айтуынша, 3 базардың қайта жаңғырту жұмыстары биыл аяқталады. Қалған 5 базардың қайта жаңғыртылуының жобалық сметалық құжаттамасы әзірленіп жатыр.
«Байсат» базары да биыл қайта жөндеуден өтеді. Біздің басты міндетіміз – контейнерлер емес, дүңгіршектер салу. Заңсыз контейнерлерден көлеңкелі тауар айналымын жарыққа шығару керек», - деді спикер.
Оның айтуынша, ауданда 941 өнеркәсіп өндірісі, 37 ірі кәсіпорын, 904 шағын кәсіпорын орналасқан.
Жетісу ауданы бөлшек сауда бойынша 8 ауданның ішінде 1-орын, көтерме сауда бойынша 4-орында тұр.