+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

«Алматы-2 – Маңғыстау» жолаушылар пойызының локомотиві және 13 вагонына зақым келді

2021 жылғы 10 қыркүйек 16:58
Бөлісіңіз:
«Алматы-2 – Маңғыстау» жолаушылар пойызының локомотиві және 13 вагонына зақым келді

АҚТӨБЕ. ҚазАқпарат - Ақтөбе облысындағы Шоқысу стансасында жүк пойызына тиелген тиелген кран қозғалып кетіп, жебесімен «Алматы-2 – Маңғыстау» жолаушылар пойызының 13 вагонына зақым келтірген, деп хабарлайды ҚазАқпарат «Қазақстан темір жолы» ұлттық компаниясының баспасөз қызметіне сілтеме жасап.

«9 қыркүйекте Ақтөбе бөлімшесінің Шоқысу стансасында жүк пойызының 26-шы вагонына тиелген кран жебесінің конструкциясы қозғалып кетіп, көрші жолдағы жолаушылар пойызының локомитиві мен вагондарын сырып өткен. Атап айтқанда №77 «Алматы-2 – Маңғыстау« жолаушылар пойызы локомотивінің шанағы сырылып, буферлік шамы бүлінсе, 13 вагонға түрлі зиян келтірілді. Соның ішінде 2 вагонда терезелер сынған, 2 вагонда тұтқалар жұлынған», делінген хабарламада.

Оқыс оқиғадан ешкім зардап шекпеген. Жолаушы пойызы 17 минут кідірістен соң қайта жолға шықты. Қазір осы жағдай бойынша тергеу жүргізіліп жатыр.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT