23:23, 01 Қаңтар 2021 | GMT +6
Алдағы күндері Қазақстанның үш өңірінде 40 градус аяз болады
НҰР-СҰЛТАН. ҚазАқпарат – Еліміздің алты өңірінде қолайсыз ауа райына байланысты ескерту жарияланды, деп хабарлайды ҚазАқпарат Қазгидрометке сілтеме жасап.
2 қаңтар Батыс Қазақстан облысының кей жерлерінде тұман күтіледі.
Оралда ертең түнде және таңертең тұман күтіледі.
2-4 қаңтарда Түркістан облысының кей жерлерінде тұман түсіп, жаяу бұрқасын соғады, шығыстан соғатын желдің күші 15-20 м/с жетеді.
Шымкентте 2-4 қаңтарда кей уақытта тұман түсуі мүмкін.
Түркістан қаласында 2-4 қаңтарда түнде және таңертең тұман болады.
2 қаңтарда Ақмола облысында кей жерлерде тұман түсуі мүмкін. 2-3 қаңтарда түнде Ақмола облысында минус 32-37, кей жерлерде 42 градус қатты аяз болады.
Сонымен қатар, 2-3 қаңтарда Павлодар облысында да 35-40 градус аяз болып, кей жерлерде 43 градусқа жетуі мүмкін. Қарағанды облысында да 32-37, кей жерлерінде 42 градусқа дейін аяз күтіледі.