Алдағы екі айда баспана қымбаттамайды – Құрылысшылар қауымдастығы

«Жалпы тұрғын үй нарығында ахуал оңалып келеді. Доллар бағамының төмен де, жоғары да құбылмай, айтарлықтай тұрақты деңгейде сақталуы нарыққа жағымды әсер етіп жатыр. Сондықтан біз дәл қазір баспана бағасы өспейді деп айта аламыз», - деді Виктор Микрюков ҚазАқпарат тілшісіне.

Оның сөзіне қарағанда, құрылыс материалдарының бағасында да жағымды динамика байқала бастаған.

«Көптеген құрлыс материалдарының бағасы төмендей бастады. Бұл әрине қуантарлық жаңалық. Көптеген құрылыс компаниялары баспана бағасын түсіре бастады. Өйткені кейбір болжамдар нақты тәуекелден артық есептеліп, баға қажетті деңгейден тым артық көтеріліп кеткен болатын», - дейді қауымдастық басшысы.

Сөз соңында Виктор Микрюков алдағы екі айда баспана бағасы қымбаттамайды деген болжамын айтты.

Осы айдың басында ғана Біріккен риэлторлар қауымдастығы президентінің кеңесшісі Нина Лукьяненко баспана нарығында бағаны күрт түсіретіндей себеп көріп тұрмағанын айтқан еді.