Ақтөбеде талапқа сай келмейтін сүт, балық өнімдері көп екені анықталды

None
None
АҚТӨБЕ. ҚазАқпарат - Ақтөбеде жыл басынан бері өнім қауіпсіздігі мониторингі аясында сауда нысандарынан тамақ өнімдерінің 744 үлгісі іріктеліп, сатып алынып, зерттелді, деп хабарлайды ҚазАқпарат.

Аймақтағы санитариялық-эпидемиологиялық бақылау департаменті мамандарының мәліметінше, оның 229-ы отандық өндірушілердікі болса, 465-і ЕАЭО-ға мүше мемлекеттерден келген, 50-і басқа елдерден импортталған.

«Оның ішінде 72 сынама немесе 9,7%-ы техникалық регламенттердің талаптарына сәйкес келмеді. Мұның 20-сы отандық өндірушілерге, 48-і ЕАЭО-ға мүше мемлекеттерге, 4 сынама басқа ел өнімдеріне тиесілі. Тағам өнімдерінің көбісінде өндірушілер таңбалау ережелерін бұзған. Сүт және сүт өнімдерінің қатарында сапасыздар көп, 93 сынаманың 12-сі талапқа сай емес. Балық және балық өнімдерінің 36 сынамасының 11-і талапқа сай келмейді. Осындай олқылықтар құс, ет және кондитерлік өнімдерден де байқалды», - деп жазды ведомстводан.

Департамент биылдыққа 2 жоспардан тыс тексеру жүргізіп, құқық бұзушылықтарды жою туралы 38 ұйғарым берген. Кәсіпкерлік субъектілеріне 183 780 теңге сомасына 4 айыппұл салынды.


Соңғы жаңалықтар