Ақтөбеде табиғи ресурстар және табиғат пайдалануды реттеу басқармасына жаңа басшы келді

None
None
АҚТӨБЕ. ҚазАқпарат – Ақтөбе облыстық табиғи ресурстар және табиғат пайдалануды реттеу басқармасына жаңа басшы тағайындалды, деп хабарлайды ҚазАқпарат тілшісі облыс әкімінің баспасөз қызметіне сілтеме жасап.

Ақтөбе облысының әкімі Оңдасын Оразалиннің бұйрығымен Ақтөбе облыстық табиғи ресурстар және табиғат пайдалануды реттеу басқармасының басшысы лауазымына Әнуарбек Бермағамбетов тағайындалды.

Әнуарбек Серғалиұлы Бермағамбетов 2003 жылы Қазақ-орыс халықаралық университетін «Құқықтану», 2008 жылы С.Бәйішев атындағы Ақтөбе университетін «Экономика бакалавры» мамандықтары бойынша тәмамдаған.

Еңбек жолын 2005 жылы Ақтөбе облысы орман және аңшылық шаруашылығының аумақтық басқармасының бас маманы болып бастады.

2008 – 2012 жылдары аралығында Ақтөбе облысы орман және аңшылық шаруашылығының аумақтық басқармасының бөлім басшысы қызметін атқарды.

2012 жылдың қаңтар айынан бері осы уақытқа дейiн Ақтөбе облыстық орман шаруашылығы және жануарлар дүниесі аумақтық инспекциясы басшысының орынбасары қызметін атқарып келді.


Соңғы жаңалықтар