+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Ақтөбеде мониторинг тобы емдеу мекемелерінде бақылау жүргізді

2020 жылғы 21 қазан 03:49
Бөлісіңіз:
Ақтөбеде мониторинг тобы емдеу мекемелерінде бақылау жүргізді

АҚТӨБЕ. ҚазАқпарат – «Ақтөбе – адалдық алаңы» жобалық кеңсесінің өкілдері қаладағы ауруханаларға, емханалар мен дәріханаларға мониторинг жүргізді, деп хабарлайды ҚазАқпарат тілшісі.

Ұқсас жаңалықтар

Мониторинг тобы пандемияның екінші толқынына дайындық жұмысын пысықтады. Жобалық кеңсе басшысы Жанболат Тұртаев Қарғалы қалалық ауруханасы мен №2 қалалық емханада мониторинг жүргізді. Жұмыс барысында ауруханалардың санитарлық талаптарды сақтауына, Damymed бағдарламасы арқылы тіркеу және халықты қабылдау, сонымен қатар аурухана ішіндегі дәріхананың жағдайымен танысып, дәрі-дәрмектердің қорына бақылау жүргізді.

Аталмыш ауруханалардың бас дәрігерлерінің айтуы бойынша қазіргі таңда пандемияға байланысты жағдай тұрақталған. Ауруханалар күнделікті жұмыстарын қалыпты атқарып келеді. Дәрі – дәрмек қоры және санитарлық талаптарға арналған құрал-жабдық жеткілікті. Яғни, пандемияның екінші толқыны жағдайында ауруханалар дайын. Сонымен бірге жобалық кеңсе сарапшылары Тұрар Картамұлы және Зүльфия Набиулина Ақтөбе облыстық инфекциялық ауруханасының жағдайымен танысты. Мониторинг жұмысы барысында аурухананың санитарлық талаптарды сақтамайтындығы анықталды.

«Кез келген мекеменің кіреберісінде сырттан кірген адамдардың қызуын өлшейтін және қолды дизинфекциялаушы мамандар болу қажет. Өкінішке қарай ауруханада ондай мамандар болған жоқ. Сонымен қатар дәрі – дәрмектерді сақтайтын қойманың температурасы белгіленген нормада емес. Мониторинг жұмыстарының нәтижесі бойынша тиісті органдарға аталмыш кемшіліктерді жою туралы ұсыныстар берілетін болады», - деді жобалық кеңсе сарапшысы Зүльфия Набиулина.

Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT