Ақтөбеде қоғамдық бақылау тобы карантинде жұмыс істеген ойын клубын әшкереледі

Ақтөбеде мониторинг тобы жұмысты күшейтті. Бас мемлекеттік санитариялық дәрігерінің қаулысын бұзғандарға 86 миллион теңгеден астам айыппұл салынды. Соның ішінде бір аптада 28 ереже бұзылып, 5 миллион теңге айыппұл төледі. Ақтөбе облыстық тауарлар мен көрсетілетін қызметтердің сапасы мен қауіпсіздігні бақылау департаменті басшысының орынбасары Айсәуле Оралбаеваның айтуынша, 166 адам бетперде тақпаған. Ал 30-ға жуық дәмхана, мейрамхана отбасылық мерейтой мен той өткізгені үшін 8 миллион теңге төледі. Қазіргі кезде қоғамдық бақылау тобы заңсыз жұмыс істеген ойын клубының жұмысын әшкереледі.

«Лотоклуб» ойын клубы жұмыс істеп тұр. Мұнда санитария талабы сақталмаған. Адамдар арасында арақашықтық сақталмады, еденге арнайы жолақ сызылмаған. Әрі облыстық тауарлар мен көрсетілетін қызметтердің сапасы мен қауіпсіздігні бақылау департаменті осы салаға жұмыс істеуге рұқсат берген жоқ. Талап сақталмаса, ауру өрши түсетінін ескеруміз тиіс. Кейде бір кәсіпкерлік субьектісіне ескерту береміз, еш өзгеріс болмайды. Кейін жаза күшейе беретінін ұғынуы тиіс», - деді Қоғамдық бақылаудың Ақтөбе облысы бойынша үйлестірушісі Бақыт Жаншаева.

Бұл оқиғаға байланысты Ақтөбе облыстық тауарлар мен көрсетілетін қызметтердің сапасы мен қауіпсіздігні бақылау департаменті түсінік берді.

«Ойын автоматтары бар ойын клубтары компьютер орталықтарына жатады. Сондықтан олардың жұмыс істеуіне рұқсат жоқ», - деді Айсәуле Оралбаева.