Ақтөбеде қағаз түрінде көрсетілетін қызметтердің көлемі артты

Ақтөбе облыстық мемлекеттік қызмет істері департаменті электронды және қағаз түрінде көрсетілген қызмет түрінің пайыздық үлесін есептеп шығарды.

2020 жылы Ақтөбе қаласы мен аудандардың электронды түрде қызмет көрсету үлесі 66% құрады. Көрсеткіш 2019 жылмен салыстырғанда 17% төмен. Оның ішінде Әйтеке би, Ойыл, Қобда аудандарында белсенділік бәсеңдеген.

«Қағаз түрінде көрсетілген қызметтердің үлесі жалпы 8% артқан. Оның ішінде Ойыл, Әйтеке би, Қобда аудандарында өсім байқалады. Еліміздегі пандемия кезінде ЭЦҚ немесе бір жолғы парольді пайдалана отырып, «Электрондық үкімет» веб-порталы, «E-gov mobile» және Telegram-bot» мобильдік қосымшалары арқылы мемлекеттік қызметтерді қашықтан рәсімдеуге мол мүмкіндік жасалды. Ақтөбе қаласы мен аудандардағы әлеуметтік-белсенді азаматтар санын ескерсек, ЭЦҚ-ны Ақтөбе қаласы (30%) мен Шалқар (14%) және Мәртөк (34%) аудандарында аз рәсімделгені анықталды. Бұл жергілікті атқарушы органдардың халық арасында электронды қызмет алудың маңыздылығы мен қажеттілігін түсіндіру бөлігіндегі ақпараттық-танымдық жұмыстарының төмендігін көрсетеді»,- деп хабарлады Ақтөбе облыстық мемлекеттік қызмет істері департаментінің баспасөз қызметі.