Ақтөбеде дәрі сатып алуға 500 миллион теңге бөлінді

None
None
АҚТӨБЕ. ҚазАқпарат – Ақтөбеде дәріханаларға қажетті дәрі-дәрмек сатып алу үшін бюджеттен 500 миллион теңге бөлінді. Бұл қаржы кәсіпкерлерге қарызға берілді, деп хабарлайды ҚазАқпарат тілшісі.

Ақтөбеде 573 дәріхана бар. 15 ірі компания дәрі-дәрмекпен қамтамасыз етіп отыр. Облыстық тауарлар мен көрсетілетін қызметтердің сапасы мен қауіпсіздігін бақылау департаменті дәрілік заттардың 41 түріне бақылау жүргізеді.

«Дәріхана желісінің айналымын толықтыру үшін Ресейден, Үндістаннан дәрі-дәрмектің 16 түрін қосымша сатып алу үшін 500 млн теңге бөлінді. Дәріханалар дәрілермен күн сайын толығып отыр, бірақ сұраныстың жоғары болуына байланысты тез азаюда. Соған сәйкес импорттық дәрі-дәрмектерді жеткізу үшін Орынбор қаласындағы облыстық дәріхана қоймасымен қосымша келісімшартқа қол қойылды. Осыған байланысты провизорлық стационарларға неғұрлым сұранысқа ие он дәрілік зат жеткізілуде. Бұл бізге қосымша 20 күндік дәрі-дәрмек қорымен қамтамасыз етуге мүмкіндік берді «, - деді облыс әкімі Оңдасын Оразалин.
Айта кетейік, маусым-шілде айларында облысқа дене қызуын түсіретін дәрілердің 14, түрлі антибиотиктердің 23, вирусқа қарсы дәрі нің 5 түрі, шамамен 500 мың дана «Парацетомол», «Цефозолин», «Цефтриаксон» және т.б әкелінді.

Еске салсақ, облыс әкімі Оңдасын Оразалин тікелей эфирде індетпен күрес жұмысын түсіндіріп берді.


Соңғы жаңалықтар