+7 (701) 759 90 19
USD 419.45 EUR 504.64
RUB 5.68 CNY 64.88
Jańalyqtar

Ақтөбе облысындағы кеніште болған қайғылы оқиғаның себебі анықталды

2021 жылғы 22 қаңтар 11:44
Бөлісіңіз:
Ақтөбе облысындағы кеніште болған қайғылы оқиғаның себебі анықталды

НҰР-СҰЛТАН. ҚазАқпарат - Ақтөбе облысының Хромтау ауданындағы «Весенне – Аралчинский» жерасты кенішіндегі қайғылы оқиғаның себеп-салдары белгілі болды, деп хабарлайды ҚазАқпарат.

Ұқсас жаңалықтар
Ақтөбе полициясы пәтер ішіне балкон арқылы кіріп, қашқын қылмыскерді ұстады Алматыдағы түрмеден қашқан адам Ақтөбеде қолға түсті Ақтөбедегі өрт: күйік шалған жігіт облыс орталығына жеткізілді

ҚР Еңбек және халықты әлеуметтік қорғау министрлігі баспасөз қызметі таратқан ақпаратқа қарағанда, қайғылы оқиға 2020 жылғы 30 желтоқсанда кешке жарылыс жұмыстарын орындау кезінде болған.

Оқиға салдарынан «Ақтөбе Мыс компаниясы» ЖШС қызметкерлері: тау-кен шебері Асхат Қайқанов, жарушылар Рустам Шәметов пен Денис Черный, жерасты өздігінен жүретін машиналардың машинисі Берік Жақыпов қаза тапты.

Оқиғаның мән-жайын тергеп-тексеру үшін ҚР Еңбек және халықты әлеуметтік қорғау министрлігі (бұдан әрі – Еңбекмині) құрған комиссия 4 жұмысшының қаза болуының негізгі себептерін анықтады. Осы мақсатта Еңбекмині Ақтөбе облысы бойынша бас мемлекеттік еңбек инспекторы Саламат Аманбаевтың төрағалығымен арнайы комиссия құрды.

«Осы жазатайым оқиғаға әкеп соққан мән-жайларды жан-жақты және объективті зерделеп, куәгерлерден сұрау барысында жиналған барлық дәлелдер базасын назарға ала отырып және жұмыс берушінің техникалық құжаттамасы мен материалдарын зерделеу нәтижелері бойынша комиссия қайғылы оқиға өндіріспен байланысты деген қорытындыға келді»,-делінген хабарламада.

Комиссия мынадай негізгі себептерді анықтады: жұмыскерлер қауіпсіздік талаптарын өрескел түрде бұзған, жұмыс беруші еңбек қауіпсіздігі және еңбекті қорғау ережелерін бұзған, жұмыс өндірісі талапқа сай ұйымдастырылмаған.

«Комиссия мүшелері қаза тапқан қызметкерлердің туыстарымен кездесіп, оларға қолданыстағы заңнамаға сәйкес әлеуметтік қорғауға заңды құқықтарын түсіндірді. Арнайы тергеп-тексеру материалдары процестік шешімдер қабылдау үшін Ақтөбе қаласының құқық қорғау органдарына берілді»,-деп хабарлады мнистрліктің баспасөз қызметі.


Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT