23:12, 18 Қараша 2019 | GMT +6
Ақтөбе облысында көктайғақ болады
АҚТӨБЕ. ҚазАқпарат – Ақтөбе облысында көктайғаққа байланысты ескерту жарияланды, деп хабарлайды ҚазАқпарат Төтенше жағдайлар департаментінің баспасөз қызметі.
Ауа райына байланысты ескерту 18 қараша күні сағат 20-00-ден бастап, 19 қараша аралығына жарияланды. 19 қараша күні Ақтөбе облысында көктайғақ, жаяу бұрқасын болып, кей жерлерге тұман түседі. Солтүстік-батыстан секундына 18 метр жылдамдықпен жел соғып, ол солтүстік-шығысқа ұласады. Ауа райының бұзылу ықтималдылығы 90-95 пайыз деді департаменттің баспасөз қызметі.