13:44, 29 Сәуір 2018 | GMT +6
Ақтаудағы кремний зауытының құрылысы туралы ақпарат жалған болып шықты
АСТАНА. ҚазАқпарат - Әлеуметтік желіде кремний зауытының құрылысы туралы ақпарат тарап жатыр. Маңғыстау облыстық индустриалдық-инновациялық даму басқармасы ақпаратты растаған жоқ, деп жазады «Лада» басылымы.
Хабарламада мамырда қытайлық кәсіпкерлердің кремний зауытын салуды бастайтыны айтылған. Оның авторларының сөзіне қарағанда, бұл қала тұрғындарының денсаулығының нашарлауына және қоршаған ортаның ластануына әкеп соғады.
Маңғыстау облыстық индустриалды-инновациялық даму басқармасы бұл хабарламаға түсінік берді.
«Бұл жалған ақпараттардың бірі. Ондай жоба жоқ», - деді облыстық индустриалдық-инновациялық даму басқармасы басшысының орынбасары міндетін атқарушы Тілеген Едігеев.