11:43, 23 Қаңтар 2020 | GMT +6
Ақтауда заманауи үлгідегі спорт сарайы салынады
АҚТАУ. ҚазАқпарат – Биыл Ақтаудың 17-ші шағынауданында заманауи үлгідегі спорт сарайы салынады, деп хабарлайды ҚазАқпарат тілшісі.
Жоба құрылысы демеушілер қаржысымен жүргізілмек.
Осындай ғимарат Түпқараған ауданының Ақшұқыр және Сайын Шапағатов ауылында, Маңғыстау ауданындағы Жармыш ауылында бой көтеруі тиіс. Жармыш ауылы мен Шетпе кентінде ұлттық спорт алаңын, демалыс алаңын салу жұмыстары қатар жүреді деп жоспарланған.