Ақтауда кәсіпкер мониторинг тобының жұмысына кедергі келтірді

Әкімдік қызметкерлері жергілікті полиция қызметімен және «Nur Otan» партиясының депутаттарымен бірлесіп, Маңғыстау облысының бас мемлекеттік санитарлық дәрігері қаулысының санитарлық-эпидемиологиялық талаптарын сақтау мақсатында 20 кәсіпкерлік нысанға рейд жүргізді. «Н2О» түнгі клубы, «Bad Toro» бары, «Ган-фан», «Сұлтан Паша» және «Алтын ғасыр»мейрамханалары тексеруден өткен жоқ. Себебі, бұл жердің әкімшілері мониторинг топ өкілдерімен жанжалдасып, шу шығарған.

«Мекемелер санитарлық дәрігердің қаулысын өрескел бұзған. Адамдар көп жиналған. Сондай-ақ маска режимі мен әлеуметтік қашықтық бұзылды. «Н2О» түнгі клубында кәсіпкер қарсылық көрсетті. Содан кейін депутаттар Ақтау қалалық мәслихаты депутаттарының денесіне зақым келтіргені және мүлкіне зиян келтіргені үшін мекеме әкімшілігіне ресми өтініш жазды», - деп хабарлады қала әкімінің баспасөз қызметі.

Әкімдік және полиция қызметкерлерімен қажетті фото және бейнематериалдар жиналып, актілер толтырылды.

«Біз қала тұрғындары мен кәсіпкерлерін барлық қажетті санитарлық нормаларды ұстануға және азаматтар алдындағы әлеуметтік жауапкершілікті сақтауға шақырамыз», - деп еске салды әкімдіктің баспасөз қызметі.