08:32, 31 Шілде 2017 | GMT +6
АҚШ Жапонияның 4 гектар жерін қайтарды
АСТАНА. ҚазАқпарат - АҚШ теңіз жаяу әскерінің әуе базасы корпусына пайдаланып келген Жапония территориясының бір бөлігін қайтарып берді. Ол Окинаваның оңтүстік префектурасындағы жер телімі, деп хабарлайды Kyodo агенттігі.
Қайтарылған жердің көлемі 4 гектар.
Қазіргі уақытта Жапонияда әскери бөлімшелерді басқа жерге ауыстыру мақсатында құрылыс жұмыстары жүргізіліп жатыр. Нысан орналасқан аудан тұрғындарының пікірінше, базадағы MV-22 Osprey әскери ұшақтарын жергілікті тұрғындар үшін қауіпсіз деуге болмайды.